मोठ्या भावाकडून नशेत वहिनीला मारहाण, लहान भाऊ सोडवायला गेला असता अनर्थ घडला

राजू याच्या मारहाणीमुळे सुनील गंभीर जखमी झाल्याचे बाब लक्षात येतच सुनीलची पत्नी माहेरी निघून गेली. हत्येची घटनेची माहिती मिळताच उपविभागीय पोलीस अधीक्षक पूजा नागरे आणि अधिकारी कर्मचारी घटनास्थळी दाखल झाले दारू पिऊन घरी आलेल्या पतीने पत्नीकडून जेवण मागितले. पत्नी दीड महिन्याच्या लेकराला स्तपान करत असताना थोडं थांबा असं सांगताच पतीने पत्नीला मारहाण सुरू केली. मोठा भाऊ वहिनीला बेदम मारहाण करत असताना लहान भावाने मोठ्या भावाला दांड्याने बेदम मारहाण केली. या मारहाणीत त्याचा मृत्यू झाला. ही घटना काल शुक्रवारी पहाटे कुंबेफळ येथे घडली. या प्रकरणी करमाड पोलीस ठाण्यात गुन्हा दाखल करण्यात आला आहे.

सुनील भाऊसाहेब पवार (वय ३४, रा. पठार देऊळगाव, बदनापूर जि. जालना) याचा मारहाणीत मृत्यू झाला. या प्रकरणी पोलिसांनी दिलेल्या माहितीनुसार राजू भाऊसाहेब पवार (वय ३२, रा. कुंभेफळ) असं आरोपीचं नाव आहे. सुनील हा कुटुंबासह कुंभेफळ येथे राहतो. शेंद्रा एमआयडीसी मध्ये तो काम करून स्वतःचा आणि कुटुंबाचा उदरनिर्वाह करतो. दरम्यान, गुरुवार दिनांक १२ रोजी सुनील याचा भाऊ राजू कुंभेफळ येथे मुक्कामी होता. सुनील रात्री मद्यप्राशन करून घरी आला. यावेळी पत्नी दीड महिन्याच्या मुलाला स्तनपान करत होती. सुनीलने पत्नीला जेवण वाढण्यास सांगितले. त्यावर बायकोने मी मुलाला दुध पाजत आहे, थोडं थांबा असं सांगितलं. याचा राग सुनीलला आला आणि त्याने पत्नीला मारहाण करायला सुरुवात केली. याचवेळी राजूने भाऊ वहिनीला मारत असल्याने त्याला आवरण्यासाठी लाकडाच्या दांडक्याने मारहाण केली. लाकूड डोक्यात लागल्याने सुनील गंभीर जखमी झाला. राजू याच्या मारहाणीमुळे सुनील गंभीर जखमी झाल्याचे बाब लक्षात येतच सुनीलची पत्नी माहेरी निघून गेली. हत्येची घटनेची माहिती मिळताच उपविभागीय पोलीस अधीक्षक पूजा नागरे आणि अधिकारी कर्मचारी घटनास्थळी दाखल झाले. सुनीलच्या पत्नीच्या फिर्यादीवरून राजू याच्यावर गुन्हा दाखल करण्यात आला आहे. पुढील तपास पोलीस करीत आहेत.

दरम्यान, जैश ए महंमद या दहशतवादी संघटनेच्या हस्तकाशी संबंध असलेल्या २१ वर्षीय युवकाला सातारा भागातील बीड बायपासवरील एका मदरशातून ताब्यात घेण्यात आले आहे. तो मुळचा कुर्ला-मुंबई भागातील असल्याची माहिती समोर आली असून तो धार्मिक शिक्षणासाठी शहरात होता अशी माहिती राष्ट्रीय तपास यंत्रणेच्या (एनआयए) सूत्रांनी दिली. छत्रपती संभाजीनगर शहरात झालेल्या कारवाईबाबत सूत्रांनी दिलेल्या माहितीनुसार, दहशतवादी संघटनेच्या संपर्कात असलेल्या युवकाच्या शोधात असलेले ‘एनआयए’चे मुंबईचे पथक काही दिवसांपूर्वी शहरात दाखल झाले होते. त्यांनी संशयितावर काही दिवसांपासून पाळत ठेवली होती. दहशतवादी संघटनेच्या संपर्कात असलेल्या या युवकाला ताब्यात घेण्याची प्रक्रिया बुधवारी रात्री सुरू करण्यात आली. ‘एनआयए’बरोबरच स्थानिक दहशतवाद प्रतिबंधक विभागाचे (एटीएस) पथक, सातारा पोलिस ठाण्याच्या कर्मचाऱ्यांचा बंदोबस्त घेऊन बुधवारी पहाटे चार ते पाचच्या दरम्यान बीडबायपासजवळील मदरशामध्ये गेले होते. त्यांनी त्यास ताब्यात घेतले.