ओव्हरेटकच्या नादात बाईकला उडवलं, दुचाकीवरील आईसह दोन चिमुकल्यांचा करुण अंत

जखमींमध्ये दोन लहान मुले आणि एका महिलेचा समावेश असून एकजण जखमी झालं आहे. तासगावहून सांगलीकडे वडाप येत असताना ओव्हरटेकच्या प्रयत्नात असताना समोरून येणाऱ्या दुचाकीला या वडापने उडवले आणि यात तिघांचा मृत्यू झाला आहे. सांगलीतील तासगाव मार्गावरील कुमठे फाट्याजवळ वडाप चालकाने ओव्हरेटकच्या नादात दुचाकीला जोरदार धडक दिली. या भीषण अपघातात दुचाकीवरील तिघांचा जागीच हृदयद्रावक मृत्यू झाला आहे. जखमींमध्ये दोन लहान मुले आणि एका महिलेचा समावेश असून एकजण जखमी झालं आहे. म्हणजे एकाच कुटुंबातील तथा आईसह दोन चिमुरड्यांचा यात करुण अंत झाला आहे. तासगावहून सांगलीकडे वडाप येत असताना ओव्हरटेकच्या प्रयत्नात असताना समोरून येणाऱ्या दुचाकीला या वडापने उडवले आणि यात तिघांचा मृत्यू झाला आहे.

असाच एक भीषण अपघात एक साधारण १५ दिवसांपूर्वी घडला होता. सांगलीच्या अंकली येथील कृष्णा नदी पुलावरून भरधाव गाडी कोसळून एकाच कुटुंबातील सहाजण ठार, तर तीनजण गंभीर जखमी झाले होते. जखमींमध्ये तीन लहान चिमुकल्यांचा देखील समावेश होता. मध्यरात्री एकच्या सुमारास कोल्हापूरवरून सांगलीकडे येताना अंकली पुलावर हा अपघात झाला होता. लग्न सोहळा आटपून सांगलीकडे येताना गाडीवरील ताबा सुटल्याने गाडी थेट कृष्णा नदीपात्रात कोसळली. या भीषण अपघातात सहा जणांचा मृत्यू झाला. मृतात दोन महिला, एक पुरुष आणि तीन चिमुकल्यांचा समावेश होता. यातील मृत कुटुंबीय हे सांगलीतल्या कोल्हापूर रोडवरील गंगाधर कॉलनी येथील रहिवासी होते. कोल्हापूर येथून एक लग्न सोहळा आटोपून हे कुटुंब सांगलीकडे येत होते. त्यांची गाडी जयसिंगपूरहून सांगलीकडे येत असताना अंकली पुलावर गाडीवरील ताबा सुटला आणि गाडी थेट नदी पात्रात कोसळली. या अपघातात सहा जणांचा मृत्यू झाला, तर एक स्वप्नाली गंभीर जखमी झाली. दुर्दैवी गोष्ट म्हणजे ती रात्रभर गाडीत बसून होती. रस्त्यावर कोणीही नसल्याने ती मदतीपासून वंचित राहिली. आजूबाजूला सहा जीवलगांच्या मृतदेहांच्या सान्निध्यात तिने अख्खी रात्र काढली. सकाळी साडेसहा वाजता ही दुर्घटना उघडकीस आली. स्वप्नालीवर तासगाव शहरातील एका खाजगी रुग्णालयात उपचार सुरू आहेत. तर सहाही जणांचे मृतदेह तासगाव ग्रामीण रुग्णालयात ठेवण्यात आल्याचे समजते. कालव्यात पडून एकाच कुटुंबातील सहा जणांचा मृत्यू झाल्याने तासगांववर शोककळा पसरलीय.

कार चालवत असलेले अभियंते राजेंद्र जगन्नाथ पाटील, वय ६० वर्ष पत्नी सुजाता राजेंद्र पाटील, वय ५५ वर्ष मुलगी प्रियांका अवधूत खराडे, वय ३० वर्ष नात ध्रुवा वय तीन वर्ष, राजवी वय दोन वर्ष, कार्तिकी वय एक वर्ष, जखमींची नावे मुलगी स्वप्नाली विकास भोसले वय ३० वर्ष रा. कोकळे