सात जणांच्या टोळक्याने तुरूंगात कैद्यावर केला जीवघेणा हल्ला.

रेल्वे सुरक्षा दलातून तुरुंगात आलेल्या एका बंदीवान कैद्यावर कल्याणच्या आधारवाडी तुरूंगातील सात कैद्यांनी मिळून जीवघेणा हल्ला केल्याची घटना मंगळवारी सकाळच्या सुमारास घडली आहे. विशेष म्हणजे हा हल्ला, दगड आणि पत्र्याच्या बादलीचा वापर करून करण्यात आला आहे. या हल्ल्यातून कैदी थोडक्यात बचावला असून त्याच्या डोळे आणि डोक्याला गंभीर दुखापत झाली आहे.

रेल्वे सुरक्षा दलातून तुरुंगात आलेल्या एका बंदीवान कैद्यावर कल्याणच्या आधारवाडी तुरूंगातील सात कैद्यांनी मिळून जीवघेणा हल्ला केल्याची घटना मंगळवारी सकाळच्या सुमारास घडली आहे. विशेष म्हणजे हा हल्ला, दगड आणि पत्र्याच्या बादलीचा वापर करून करण्यात आला आहे. या हल्ल्यातून कैदी थोडक्यात बचावला असून त्याच्या डोळे आणि डोक्याला गंभीर दुखापत झाली आहे. सदर घटनेच्या, कैद्याने दिलेल्या जबाबावरून खडकपाडा पोलिस ठाण्यात गुन्हा दाखल करण्यात आला आहे. मिळालेल्या माहीतीनुसार, ज्या कैद्यावर जीवघेणा हल्ला करण्यात आला आहे तो हरियाणा येथील रेल्वे सुरक्षा दलात नोकरीला असून, कल्याणच्या आधारवाडी तुरुंगात एका गुन्ह्यात न्यायबंदी म्हणून दाखल आहे. हा न्यायबंदी जवान जेलमधील सार्वजनिक नळावर मंगळवारी सकाळी उभा होता. दरम्यान, त्याच्या शेजारीच जेलमधील अंतर्गत सेवेत रखवालदाराचे काम करणारा अन्य एक न्यायबंदी उभा होता. हे दोघेही उभे असताना अचानक रखवालदार असलेल्या न्यायबंदीच्या दिशेने जेलमधील इतर सात न्यायबंदी धाऊन आले. त्यांनी रखवालदार न्यायबंदीला मारहाण करण्यापूर्वीच जवान असलेल्या न्यायबंद्याने मध्यस्थी करून सातही जणांना तेथून परतून लावले.